Toilet unblocking
廁所通渠
座廁塞、水位升或倒灌，先判斷塞喺邊
座廁沖唔走、水位升高唔跌，用呢項服務疏通單一座廁位置。 師傅到場檢查，動工前確認處理方法同總價。
上門通渠服務：$500 起・WhatsApp 可先傳相初步評估，最終收費以現場報價為準。
點樣判斷呢項服務啱唔啱你
座廁沖唔走、水位升高唔跌、沖水時冒泡或者倒灌。
只係一個座廁受影響，或者懷疑有異物跌咗落去。
硬物卡住可能要拆座廁；連地漏一齊冒水多數涉及更遠管段。
師傅檢查後講明塞位、方法同總價，你同意先動工。
通渠水（哥士的）要小心
通渠水係強鹼，有腐蝕性，可以傷皮膚同眼，亦唔可以同酸性清潔劑或者漂白水混合，會產生有害氣體。如果你已經倒過通渠水，一定要同師傅講，因為座廁同管內可能仲有化學品。熱水可以用，但唔好用滾水直接倒落座廁或者塑膠管，瓷同接駁位都有機會受損。
症狀同成因，分清楚先決定方法
同一句「去水慢」，可以係潔具本身、支喉，定係大廈主渠出問題。先對照症狀同成因，再揀處理方法就少走冤枉路。
常見症狀
- 沖廁後水位升到近缸邊，好耐都唔跌
- 沖水時有「咕嚕」聲，缸底冒氣泡
- 一沖就浮返上嚟，廁紙同排泄物走唔晒
- 水跌得好慢，要沖兩三次先清走
- 沖廁時，隔離浴室嘅地漏或者洗手盆去水位有水湧出
- 廁所有渠味，但座廁表面睇落冇事
常見成因
- 異物卡喺座廁彎位濕紙巾、衞生巾、棉花棒、貓砂同紙尿片，唔似廁紙咁容易散開，會卡喺座廁內嘅彎位。就算包裝寫住可沖，都未必沖得散。
- 一次沖太多紙節水座廁嘅沖水量有限，大團廁紙一次過沖，水推唔走，就留喺彎位。再沖多次，水位只會愈升愈高。
- 水箱沖力唔夠水箱水位調得太低、沖水閥漏水，或者習慣只按半沖掣，沖出嚟嘅水量唔夠推走廁紙同排泄物。
- 內壁積垢令通道收窄座廁彎位同排污管內壁積咗尿垢，通道愈嚟愈窄，細少嘅紙同雜物都容易卡住。
處理流程
先了解問題，再按現場情況揀方法；唔係一到場就盲目開工。
- 01
到場檢查
先睇水位，同座廁底部、周圍有冇滲水，再試同層洗手盆、地漏排水，判斷塞喺座廁本身，定係更遠嘅排污管。
- 02
報價同確認
講明塞咗邊度、打算用咩方法同價錢，你同意先動工。
- 03
疏通
按堵塞物同位置，用電動通渠機（刮管）打散或者勾走堵塞物。如果係硬物卡住，會同你講明要唔要拆裝座廁取出，先再動手。
- 04
試水同保養
疏通後沖水測試，睇水位跌得順唔順、座廁周圍有冇滲水，先收工。通渠後 7 日內再塞，上門檢查及處理。
影響價錢嘅因素
- 堵塞物係咩：廁紙塞同硬物卡住，處理方法同需要嘅時間都唔同
- 要唔要拆裝座廁取出異物
- 塞嘅位置：淨係座廁，定係連排污管更遠位置都塞
- 位於離島及偏遠地區
上門通渠服務：$500 起（上門檢查，疏通一個堵塞位置；確認施工後不另收檢查費）。睇完整收費
紙塞定異物，反應唔同
紙塞通常有前兆：之前幾日已經沖得慢，一日比一日慢。異物就唔同，前一次仲正常，下一次突然完全唔走。如果家裏有細路或者寵物，或者最近有人用過濕紙巾、棉花棒，要同師傅講，佢會揀用刮管，定係拆座廁。講清楚前因，師傅少行好多彎路。
分兩次沖，比通渠水更有用
一次沖水量有限，用紙多嘅時候分兩次沖，等水箱補滿水先再沖。水箱未補滿就沖，沖力會愈嚟愈弱。只有廁紙同排泄物可以沖，其他一律丟垃圾桶。浴室放個有蓋垃圾桶，就唔會有人隨手沖落去。
水位未溢，可以先試通渠泵
如果水位仲未溢出，可以用住家通渠泵，由慢到快壓幾下。壓唔通就收手，唔好用硬物戳座廁出口，瓷面容易刮花，仲可能將異物愈推愈入。
廁所通渠常見問題
- 廁所通渠點收費？
- 住宅通渠，上門檢查同疏通一個堵塞位置，$500 起。多處堵塞、要拆裝座廁或者要用機械設備，動工前會先報價。
- 水位已經去到缸邊，應該點做？
- 先唔好再沖水，亦唔好倒大量水落去。等水位自然回落一陣，如果仲係唔跌，就 WhatsApp 我哋，講明塞咗幾耐、有冇倒過通渠水。
- 夜晚塞咗，可以等到天光先處理嗎？
- 如果水位未溢，而且屋入面仲有其他廁所用，可以先停用呢個座廁，天光先處理。如果水位去到缸邊、有污水溢出，或者全屋只有呢個廁所，建議即刻 WhatsApp 我哋。
- 細路將玩具沖落座廁，點算？
- 唔好再沖水，亦唔好倒通渠水。硬物卡喺彎位，用通渠泵未必壓得通，仲可能愈推愈入。WhatsApp 我哋講明係咩物件，師傅到場判斷要唔要拆座廁取出。
想查詢廁所通渠？
WhatsApp 傳相片同地區最快，24 小時有人接；需要書面報價嘅機構一樣 WhatsApp 就得。