檢查清單
6 個要小心嘅警號
逐項對照，中咗一項都值得停一停、問清楚先。
-
電話報極低價，上門先話要加錢
電話價錢同現場價錢差好遠，通常係用低價吸引你開門。問清楚：呢個價包唔包上門檢查？邊啲情況會加錢？
-
唔肯講處理方法
只係話「好嚴重」「要大工程」，但唔解釋塞喺邊、點解要咁做。你有權知道用咩方法。
-
未開工就要預付大額
通渠可以完工、試水之後先付款。未做嘢就要你俾大額現金，要提高警覺。
-
做到一半先講加工序
正常做法係：發現要加工序，先停工同你講清楚、你同意先做。
-
催你即刻決定
「再唔做會爆渠」「今日唔做聽日更貴」。急都可以要求先講清楚總價，再決定。
-
冇報價、冇單據、唔講公司名
收款後冇單據，出事就冇憑據。
未叫之前，問清楚 6 條
- 起價係幾多？包唔包上門檢查？
- 邊啲情況會加錢？加幾多？
- 會用咩方法：吸、手動、高壓，定係機械刮管？
- 如果做唔通，要唔要俾錢？
- 有冇保養？保養幾耐、包括乜？
- 點付款？幾時付？有冇單據？
向兩間公司查價時問同一組問題，先有得比較。答得清楚、肯寫低或者用 WhatsApp 回覆，通常係好開頭。
如果已經遇到問題
- 保留 WhatsApp 對話、報價、收據同現場相片
- 唔好再追加付款，先要求對方寫低收費項目同原因
- 消費爭議可以向消費者委員會查詢
- 懷疑被詐騙，可以向警方報案
常見問題
點分辨通渠黑店？
最實際係睇對方肯唔肯講清楚。你可以要求動工前先報價同講明處理方法，問清楚咩情況會加價、加價前會唔會先通知你，唔好預付大額款項，並要求收據。我哋嘅做法係到場檢查後先報價，你同意先動工。
通渠會唔會做到一半先加價？
加價要經你同意。師傅到場檢查後，會先講明處理方法同總收費，你同意先動工。施工時如發現要額外工序，師傅會先停工講清楚，你再同意先做。所以網站上嘅價錢係起價，實際以到場檢查後嘅報價為準。
通唔到渠，要唔要收費？
不成功不收費。呢個安排適用於雙方事先確認嘅一般疏通項目，未能疏通嘅話，唔收該項目嘅工程費用。適用條件見服務條款，動工前都可以問清楚。